ҚР ПІБ медициналық орталығының «Қазақстан» шипажайында емдеудің жаңа бағдарламалары
«Қазақстан» ЕСК-да демалушылардың заманауи сұраныстарына сәйкес келетін 4 жаңа емдеу бағдарламасы әзірленді. Жаңа жолдамалар курорттың бейіні бойынша классикалық шипажайлы емделуге келгендер үшін ғана емес, сонымен қатар денсаулығын сақтап, стрессті жеңгісі келетіндер үшін де қызықты болады.
Жаңа бағдарламалар туралы толығырақ:
«Жалпы терапевтік» — ағзаны кешенді тексеруден өткізгісі келетіндерге және қысқа мерзімде (7 күннен бастап) өміршеңдік тонусын арттырғысы келетіндерге арналған.
«Ас қорыту органдары» — бұл асқазан-ішек жолдарының ауруларын емдеуге арналған арнайы бағдарлама. Асқазан-ішек жолдары мен ішек микрофлорасын реттеуге, ауырсынуды және қабыну процесін азайтуға көмектеседі.
«Қант диабеті» — эндокриндік жүйенің ауруларын, зат алмасудағы бұзылуларды және қант диабетін емдеуге арналған. Осы бағдарлама бойынша шипажайлық-курорттық емдеу асқынулардың даму қаупін азайтуға, жалпы жағдайды жақсартуға бағытталған.
«Антистресс» — физикалық және эмоционалдық жағдайды жақсарту, стресске төзімділікті арттыру және өміршеңдігін арттыру үшін жүйке жүйесінің ауруларына арналған диагностикалық және емдік процедуралардың толық курсын қамтиды.
